O Concello de Toén informa da posta en marcha da actividade de ximnasia de mantemento en Mugares para o curso 2026-2027.

A actividade desenvolverase desde o 13 de outubro de 2026 ata finais de maio de 2027, con clases dous días á semana no Local Social de Mugares.

Prazo de inscrición

O prazo para inscribirse estará aberto do 28 de setembro ao 7 de outubro de 2026.

As persoas interesadas deberán cubrir o formulario de inscrición e liquidación, dispoñible nas oficinas do Concello e na sede electrónica municipal:

Acceder á sede electrónica do Concello de Toén

Prezos

  • Persoas empadroadas no Concello de Toén: 60 €
  • Persoas non empadroadas no Concello de Toén: 100 €

O pagamento realizarase mediante transferencia ou ingreso na conta facilitada no modelo de liquidación.

Horario e lugar

  • Días: martes e venres
  • Horario: de 19:30 a 20:15 horas
  • Lugar: Local Social de Mugares

Información importante

No caso de suspensión da actividade por falta de aforo ou por outro motivo xustificado, as persoas inscritas poderán incorporarse ás clases doutra parroquia do Concello na que se desenvolva a actividade. Non se devolverá o importe do prezo público.

O Concello de Toén anima á veciñanza a participar nesta actividade e a desfrutar dos beneficios da práctica regular de exercicio físico.

Concello de Toén