Novas

Abril 14, 2026

Visita do CIM Móbil

O CIM Móbil visita Toén o 16 de abril

O Concello de Toén informa da visita do CIM Móbil (Centro de Información ás Mulleres), un servizo de atención, asesoría e acompañamento que estará no municipio o vindeiro xoves 16 de abril de 2026.

O punto de atención estará situado na Praza do Concello, en horario de 11:00 a 14:00 horas.Read More

Abril 9, 2026

Subvencións para obter o carné de conducir A e B para mozos/as de Toén

O Concello de Toén vén de publicar no Boletín Oficial da Provincia (BOP) a convocatoria de subvencións destinadas a facilitar a obtención do permiso de condución A e B entre a mocidade do municipio.

Estas axudas tramítanse mediante concorrencia non competitiva e teñen como obxectivo apoiar á xuventude no acceso á mobilidade e ao emprego.

Persoas beneficiarias

Poderán beneficiarse destas axudas os/as mozos/as do Concello de Toén que cumpran os seguintes requisitos:

Estar empadroado/a no Concello de Toén cunha antigüidade mínima de 1 ano.
Ter obtido o permiso de condución A ou B entre o 01/09/2025 e o 30/11/2026.
Non ter cumpridos os 26 anos no momento de obter o permiso.
Non ter sido beneficiario/a desta axuda en convocatorias anteriores.

Contía das axudas

150 € para o permiso de condución A
300 € para o permiso de condución B

As axudas concederanse ata esgotar o crédito dispoñible.

Prazo de solicitude

O prazo de presentación de solicitudes estará aberto desde o día seguinte á publicación no BOP e ata o 15 de decembro de 2026.

Bases e máis información

As bases completas da convocatoria poden consultarse na sede electrónica do Concello de Toén e na Base de Datos Nacional de Subvencións:

O Concello de Toén anima á mocidade a aproveitar esta oportunidade para facilitar a obtención do carné de conducir.

Abril 1, 2026

Convocatoria para a contratación de 5 peóns forestais

O Concello de Toén informa da apertura do proceso selectivo para a contratación de 5 peóns forestais como persoal laboral temporal.

Esta convocatoria publícase para xeral coñecemento e co obxectivo de facilitar a participación das persoas interesadas no proceso de selección.

Características dos postos

Número de postos: 5
Categoría: Peóns forestais
Tipo de contrato: Laboral temporal por circunstancias da produción
Xornada: Completa
Duración: 5 meses
Sistema de selección: Concurso

Bases da convocatoria

As bases completas poden consultarse:

Nas oficinas municipais
Na sede electrónica do Concello: concellodetoen.sedelectronica.es

Prazo e presentación de solicitudes

O prazo de presentación será de 5 días hábiles, contados a partir do día seguinte ao da publicación do anuncio no Boletín Oficial da Provincia (BOP).

As solicitudes poderán presentarse a través das seguintes vías:

Rexistro electrónico do Concello de Toén: acceder á sede electrónica
Oficina de asistencia en materia de rexistros:
Rúa Ribadela, 1 · 32930 Toén
Horario: 8:30 h – 14:30 h
Por calquera outro medio previsto no artigo 16.4 da Lei 39/2015, do 1 de outubro

Para máis información, recoméndase consultar as bases completas da convocatoria.

Información baseada en bando municipal.

Marzo 31, 2026

Selección para cubrir 2 postos de traballo de persoal laboral temporal

Convocatoria para a contratación de 2 peóns de servizos varios

O Concello de Toén informa da apertura do proceso selectivo para a contratación de 2 peóns de servizos varios como persoal laboral temporal.

Esta convocatoria publícase para xeral coñecemento e co obxectivo de facilitar a participación das persoas interesadas no proceso de selección.

Características dos postos

Número de postos: 2
Categoría: Peóns de servizos varios
Tipo de contrato: Laboral temporal por circunstancias da produción
Xornada: Completa
Duración: 6 meses
Sistema de selección: Concurso

Bases da convocatoria

As bases completas poden consultarse:

Nas oficinas municipais
Na sede electrónica do Concello: concellodetoen.sedelectronica.es

Prazo e presentación de solicitudes

O prazo de presentación será de 5 días hábiles, contados a partir do día seguinte ao da publicación do anuncio no Boletín Oficial da Provincia (BOP).

As solicitudes poderán presentarse a través das seguintes vías:

Rexistro electrónico do Concello de Toén: acceder á sede electrónica
Oficina de asistencia en materia de rexistros:
Rúa Ribadela, 1 · 32930 Toén
Horario: 8:30 h – 14:30 h
Por calquera outro medio previsto no artigo 16.4 da Lei 39/2015, do 1 de outubro

Para máis información, recoméndase consultar as bases completas da convocatoria.

Información basada no bando municipal (EXP. 241/2026).

Marzo 30, 2026

CORTES E MICROCORTES DE SUBMINISTRO ELÉCTRICO

Cortes e microcortes de subministro eléctrico en Toén

O Concello de Toén informa sobre a situación dos cortes e microcortes de subministro eléctrico que están a afectar ao municipio, especialmente en zonas dependentes da liña de media tensión Castrelo 806.

Nas últimas semanas, a Alcaldía mantivo reunións cos responsables de UFD e coa Dirección Xeral de Planificación Enerxética para analizar a situación e esixir solucións.

Análise da situación

A maioría dos cortes prolongados rexistrados en 2025 e 2026 producíronse durante episodios de temporal, sendo causados principalmente pola caída de árbores que afectan á liña eléctrica.
Moitas destas árbores atópanse en propiedades privadas, pero poden chegar a interferir coa liña.
Os microcortes prodúcense de forma automática cando o sistema detecta incidencias (como ramas tocando os cables), restablecéndose o subministro unha vez desaparece o risco.
Ao tratarse dunha liña longa, aumenta a probabilidade de incidencias ao longo do trazado.

Plan de acción acordado con UFD

Revisión exhaustiva de toda a liña para detectar e corrixir deficiencias.
Incremento dos puntos de telecontrol para mellorar a localización das avarías e reducir o número de usuarios afectados.
Está prevista a instalación de 11 novos puntos, dos cales 6 xa están operativos.
Adiantar nun ano o plan de tala e poda ao longo da liña, coa previsión de rematar os traballos no verán deste ano.

Información sobre posibles danos

Segundo os técnicos, os microcortes non adoitan provocar avarías en electrodomésticos. Non obstante, no caso de detectar algún dano tras un corte de subministro, recoméndase realizar a reclamación canto antes á empresa subministradora.

UFD está obrigada a atender e responder todas as reclamacións presentadas polos usuarios.

Compromiso institucional

Dende o Concello agradécese a colaboración da Dirección Xeral de Planificación Enerxética e de UFD, así como as inversións comprometidas para mellorar o subministro eléctrico no municipio.

Este plan permitirá reducir de forma significativa as incidencias, aínda que se lembra que, especialmente en épocas de temporais, poden seguir producíndose cortes puntuais.

Concello de Toén

Información baseada en bando municipal.

Marzo 13, 2026

I Festa do Maior do Concello de Toén

O Concello de Toén rende homenaxe aos seus maiores coa celebración da I Festa do Maior, unha xornada pensada para compartir, recoñecer e poñer en valor o exemplo de vida, forza e dignidade das persoas maiores do noso concello.

A cita será o 25 de abril de 2026, a partir das 12:00 horas, no pavillón do CEIP Saco e Arce, e está dirixida a maiores de 65 anos.

Programa da xornada

12:30 h · Misa Solemne, participada pola A.C. Breogán de San Pedro de Moreiras e a Agrupación Zoar do Vento de Toén.
14:00 h · Xantar, con menú composto por cocido completo, bica, viño D.O. Ribeiro e licores.
Sobremesa amenizada pola Charanga A Felga.

Inscricións

As inscricións poderán realizarse a partir do martes 17 de marzo de 2026 na Casa do Concello, en horario de oficina.

Data límite de inscrición: 17 de abril de 2026.

Prezos

Empadroados/as: 5,00 €
Non empadroados/as: 30,00 €

Dende o Concello de Toén animamos a todas as persoas maiores de 65 anos a participar nesta celebración, creada como un espazo de encontro, recoñecemento e convivencia.

Organiza: Concello de Toén.

Febreiro 21, 2026

Cheque Bebé 2026 en Toén

Resumo rápido

Contía: 250€ por fillo/a (tarxeta para gastos de maternidade e necesidades básicas).
Para quen: pais, nais ou titores legais que cumpran requisitos de empadroamento e residencia.
Datas válidas de nacemento/adopción: do 01/12/2025 ao 30/11/2026.
Prazo de solicitude: do 20/02/2026 ao 15/12/2026.

Que é o Cheque Bebé 2026?

O Cheque Bebé 2026 é unha axuda do Concello de Toén destinada a apoiar ás familias polo nacemento ou adopción dun/dunha fillo/a durante o período establecido na convocatoria.

Contía e forma de pagamento

Contía da axuda

A contía é de 250€ por cada fillo/a nado/a ou adoptado/a.

Como se recibe

O pagamento realizarase mediante a entrega dunha tarxeta para gastos relacionados coa maternidade e coas necesidades básicas do/a menor.

Quen pode solicitalo (requisitos)

Poden ser beneficiarios pais, nais ou titores legais que cumpran os requisitos recollidos no bando:

Datas do feito causante	Nacemento ou adopción entre 01/12/2025 e 30/11/2026.
Situación legal	Persoa solicitante española ou estranxeira con residencia legal en España.
Empadroamento do solicitante	Empadroado/a no Concello de Toén cunha antigüidade mínima de 1 ano no momento do nacemento ou adopción.
Empadroamento do outro proxenitor/a (se procede)	Que estea empadroado/a no Concello de Toén no momento da solicitude (se hai autorización, comprobarase de oficio).
Empadroamento do/a neno/a	O/a neno/a debe estar empadroado/a no domicilio da persoa solicitante no momento da solicitude.

Consello práctico: revisa que os empadroamentos (solicitante, menor e, se procede, o outro proxenitor/a) están actualizados antes de presentar a solicitude.

Prazos e datas clave

Prazo de solicitude: do 20 de febreiro ao 15 de decembro de 2026.
Datas válidas de nacemento/adopción: do 01/12/2025 ao 30/11/2026.

Como e onde presentar a solicitude

Presentación presencial

As solicitudes poden presentarse no Rexistro Xeral do Concello de Toén.

Outras vías / electrónica

Tamén se poden presentar por calquera dos medios previstos no artigo 16.4 da Lei 39/2015. Acceder á Sede electrónica

Máis información

Para ampliar información, podes contactar cos Servizos Sociais do Concello de Toén.

Preguntas frecuentes

Cal é a contía do Cheque Bebé 2026?

É de 250€ por cada fillo/a, e abóase mediante unha tarxeta para gastos relacionados coa maternidade e coas necesidades básicas do/a menor.

Que nacementos ou adopcións entran na convocatoria?

Os que teñan lugar entre o 01/12/2025 e o 30/11/2026.

Cal é o prazo para presentar a solicitude?

Do 20/02/2026 ao 15/12/2026.

Onde se presenta a solicitude?

No Rexistro Xeral do Concello de Toén ou por calquera medio previsto no artigo 16.4 da Lei 39/2015.

Febreiro 16, 2026

Curso “Dixitalízate: manexo de móbil” (maiores de 65 anos)

O Concello de Toén organiza un curso gratuíto de formación en competencias dixitais, dirixido a maiores de 65 anos. Unha oportunidade para aprender a manexar mellor o móbil e mellorar a autonomía no día a día.

Contidos

Competencias dixitais
Estimulación
Realidade virtual

Lugares, datas e horarios

Lugar	Datas	Horario
Local social de Toén	23/02 · 02/03 · 09/03	16:30 – 19:00 h
Local social de Alongos (antiga escola)	24/02 · 03/03 · 10/03	17:00 – 19:30 h
Local social de Moreiras	27/02 · 06/03 · 13/03	17:00 – 19:30 h

Inscrición

Teléfono: 988 261 074
Prazo de inscrición: do 12/02 ao 19/02

https://retodigital.depourense.gal

Actividade gratuíta. Formación en competencias dixitais (online/presencial).

Xaneiro 28, 2026

Entroido de Mugares 2026

Entroido de Mugares 2026: programa de actividades

Datas: 7, 8, 15 e 17 de febreiro de 2026

Mugares celebra o Entroido 2026 con conferencias, o tradicional Xogo do Galo,
comedias, música e o gran día de Entroido con labardeiros, vermú e cocido popular.

Organizan e colaboran: Entroido de Mugares (Asociación Cultural), Escola Infantil de Toén e Concello de Toén.

Sábado, 7 de febreiro

2ª conferencia · O Ciclo do Entroido
Hora: 17:00 h
Lugar: Centro de Interpretación do Entroido
- Presenta: Rocío García (A.C. Entroido de Mugares)
- Carlos Xabier Ares: presentación do libro “O Animalario do Entroido Galego”
- Manuel e Germán (A.C. Galos da Mezquita): “Tradición do Entroido de San Pedro da Mezquita”
- Rober Álvarez (A.C. Entroido de Mugares): “Por que recuperamos o galo, o cura e o burro?”
- Ao remate: chocolate con “Animalario” para todas/os

Domingo, 8 de febreiro

Xogo do Galo · Domingo Corredoiro
Hora: 12:00 h
Lugar: na praza, fronte á igrexa parroquial
Inclúe: premio para quen dea collido o galo, música durante o xogo e pasabares cos Gaiteiros de Castrodeallo

Domingo, 15 de febreiro

“As Comedias” · Domingo de Entroido
Desde: as 16:00 h
Lugar: na carpa do Local Social de Mugares
Inclúe: risas garantidas coas Comedias e entrega de premios
- Premios: mellor disfraz 30€ infantil, 50€ adulto, 200€ grupo (mín. 5 persoas)
- Ademais: entrega do Premio do Cartel
- Concerto de: Gargantúa
- Festa e karaoke con: DJ Smile

Martes, 17 de febreiro · Día grande (Martes de Entroido)

Desde as 12:00 h · na carpa do Local Social de Mugares
- 12:00 h · Saída dos Labardeiros da igrexa (quen non garde o festivo paga ronda)
- 12:30 h · Sesión vermú no Local Social
- Cocido popular (tickets ata o 12 de febreiro)
  - Menú: viño, auga e refrescos · empanadas variadas · cocido galego · sobremesa · café e licores
  - Prezos: non socios/as 25€ · socios/as 20€ · 12–18 anos 15€ · 0–11 anos 0€
  - Venda de tickets: na directiva ata o xoves 12
- 16:00 h · Saída da comparsa animada coa charanga Os Chafalleiros

Información práctica

Recoméndase acudir con antelación aos actos con maior afluencia.
Para o cocido popular, lembra: tickets á venda ata o 12 de febreiro.

Programa oficial do Entroido de Mugares 2026. (PDF)

Xaneiro 23, 2026

OBRADOIRO DE MEMORIA 2026

– DATAS DE INICIO:

TOÉN- 9 de febreiro de 2026
MOREIRAS – 13 de febreiro de 2026

– LUGAR DE INSCRICIÓN: Concello de Toén

– DURACIÓN:

33 sesións entre febreiro e xuño e entre setembro e decembro en Toén e Moreiras.
PRAZO DE INSCRICIÓN: ata o mércores 4 de febreiro

– CUSTO: 20 €

O PAGAMENTO DA TAXA REALIZARASE MEDIANTE INGRESO OU TRANSFERENCIA

NAS CONTAS FACILITADAS NO MODELO DE LIQUIDACIÓN

	HORARIO
TOÉN	Luns de 16:30h a 18:00 h no Local Social
MOREIRAS	Venres de 18:00h a 19:30 h na Casa da Cultura