O Concello de Toén celebrará o vindeiro luns 14 de setembro, a partir das 19:30 horas, a inauguración oficial do novo Campo de Fútbol Municipal As Pombeiras.

Será unha xornada de portas abertas na que todos os veciños e veciñas do municipio poderán coñecer polo miúdo esta nova instalación deportiva, destinada a converterse nun espazo de referencia para o deporte local.

Inauguración oficial

O acto contará coa asistencia do vicepresidente da Xunta de Galicia, Diego Calvo, e do presidente da Deputación de Ourense, Luís Menor, que estarán acompañados polo alcalde do Concello de Toén, Ricardo González, e pola corporación municipal.

Unha celebración co deporte local como protagonista

Con motivo da apertura do novo campo, os catro equipos locais participarán nun encontro amigable para celebrar xunto coas súas afeccións a inauguración das novas instalacións.

• C.D. Moreiras
• Toén FS
• Atlético Trelle
• Veteranos de Toén

A xornada permitirá compartir unha tarde de deporte e convivencia e coñecer de primeira man o novo Campo de Fútbol Municipal As Pombeiras.

Información da inauguración

• Data: luns 28 de setembro
• Hora: 19:30 h
• Lugar: Campo de Fútbol Municipal As Pombeiras
• Portas abertas

Vémonos no campo de As Pombeiras!

Concello de Toén