O Concello de Toén informa da publicación da convocatoria de subvencións dirixidas ás asociacións de veciños/as e demais entidades sen ánimo de lucro do municipio para o ano 2026.

Estas axudas teñen como finalidade apoiar o desenvolvemento de actividades que contribúan á dinamización social, cultural, deportiva e participativa do Concello.

Quen pode solicitar as axudas?

Poderán presentar solicitude as asociacións e outras entidades sen ánimo de lucro que:

• Teñan o seu domicilio social no Concello de Toén.
• Estean inscritas no Rexistro Municipal de Asociacións do Concello na data de aprobación das bases da convocatoria.

Actividades subvencionables

As subvencións están destinadas a apoiar programas relacionados con:

• Actividades socioculturais, deportivas, recreativas ou formativas.
• Promoción do asociacionismo e da participación cidadá.
• Fomento do desenvolvemento sustentable e utilización das novas tecnoloxías.
• Promoción da igualdade entre mulleres e homes e prevención da violencia de xénero.

Contía máxima

Cada entidade poderá recibir unha subvención de ata 700 euros.

Prazo de presentación

O prazo para presentar as solicitudes será de 1 mes, contado a partir do día seguinte ao da publicación do extracto da convocatoria no Boletín Oficial da Provincia de Ourense.

Bases e información

As bases completas da convocatoria poden consultarse na sede electrónica do Concello de Toén e na Base de Datos Nacional de Subvencións.

• Sede electrónica do Concello de Toén
  
• Base de Datos Nacional de Subvencións
  

O Concello de Toén anima ás asociacións e entidades do municipio a presentar os seus proxectos e aproveitar esta convocatoria de axudas para impulsar iniciativas de interese social, cultural, deportivo e comunitario.

Concello de Toén

O Concello de Toén pon en marcha unha nova actividade gratuíta de Taichi, dirixida a todas aquelas persoas que desexen mellorar o seu benestar físico e mental a través desta disciplina milenaria.

Esta iniciativa enmárcase dentro do Programa de Fomento do Deporte e ofrece unha oportunidade para practicar exercicio suave, mellorar o equilibrio, a coordinación e a concentración, ademais de contribuír á redución do estrés e ao mantemento dunha vida activa e saudable.

Información da actividade

• Inicio: 1 de xullo
• Horario: de 10:00 a 11:00 horas
• Lugar: Parque Municipal de Moreiras (ao carón da praza)
• Actividade gratuíta

Inscricións

As persoas interesadas poden solicitar máis información ou formalizar a súa inscrición chamando ao teléfono:

988 261 074

“Mente tranquila, corpo forte, vida plena”

O Concello de Toén anima á veciñanza a participar nesta actividade saudable e accesible para todas as idades.

Organiza: Concello de Toén, coa colaboración da Deputación de Ourense.

O Concello de Toén informa á veciñanza de que, en virtude do convenio de colaboración subscrito entre a Xunta de Galicia e SEAGA para o período 2026-2029 en materia de prevención e defensa contra incendios forestais, foron seleccionadas varias parroquias do municipio como parroquias priorizadas para a prestación do sistema público de xestión da biomasa nas faixas secundarias.

Parroquias incluídas

• Toén (Santa María)
• Moreiras (San Pedro)
• Xestosa (Santa María)

Nestas parroquias, a Administración autonómica realizará a prestación do sistema público de xestión da biomasa nas faixas secundarias co obxectivo de mellorar a prevención e defensa fronte aos incendios forestais.

Participación voluntaria

O acceso a este servizo será voluntario para as persoas responsables dos terreos afectados e efectuarase a través do Concello, mediante a formalización do correspondente contrato de xestión da biomasa segundo o modelo establecido no convenio.

Custe do servizo

A tarifa establecida para as persoas que formalicen o contrato será de 420 euros por hectárea e anualidade durante o período 2026-2029.

Como exemplo, o custo dunha actuación nunha parcela de 1.000 metros cadrados sería de 42 euros anuais.

O contrato terá unha validez dun ano, podendo solicitarse a súa renovación anualmente ata o ano 2029.

Consulta das faixas secundarias

As persoas interesadas poden consultar as faixas secundarias das parroquias priorizadas a través do Visor de Faixas da Xunta de Galicia:

Acceder ao Visor de Faixas

Para máis información, as persoas interesadas poden dirixirse ás oficinas municipais do Concello de Toén.

Concello de Toén

O Concello de Toén informa á veciñanza da apertura ao público das instalacións das Piscinas Municipais de Toén para a tempada de verán 2026.

A apertura está prevista para o venres 26 de xuño, en horario de 14:30 a 21:30 horas.

Entradas

As entradas poderán adquirirse a través da plataforma de reservas online ou directamente nas instalacións do bar da piscina para o mesmo día.

A entrada para menores de 4 anos é gratuíta.

Acceder á reserva de entradas

Abonos de tempada para persoas empadroadas

As persoas empadroadas no Concello de Toén deberán solicitar o seu abono antes da apertura das piscinas a través da plataforma de reservas.

A validación dos abonos e entradas para persoas empadroadas realizarase nas 24-48 horas hábiles seguintes á solicitude.

Tarifas de abonos de tempada

• Abono familiar (pais e fillos menores de 15 anos): 18 €
• Abono adulto (maiores de 15 anos): 10 €
• Abono infantil (de 4 a 14 anos): 3 €

Entradas individuais para empadroados

• Adultos (+14 anos): 1 €
• Infantil (4 a 14 anos): 0,50 €

Para beneficiarse destas tarifas reducidas é necesario solicitar previamente a entrada a través da aplicación para que poida verificarse o empadroamento.

Tarifas para visitantes (non empadroados)

Bonos

• Bono 15 días: 15 €
• Bono 7 días: 8 €

Entradas individuais

• Adultos (+14 anos): 2 €
• Infantil (4 a 14 anos): 1 €

O Concello de Toén deséxalles a todos os usuarios unha excelente tempada de baño e convida á veciñanza e visitantes a desfrutar destas instalacións municipais.

Concello de Toén

O CIM Móbil visita Toén o 16 de abril

O Concello de Toén informa da visita do CIM Móbil (Centro de Información ás Mulleres), un servizo de atención, asesoría e acompañamento que estará no municipio o vindeiro xoves 16 de abril de 2026.

O punto de atención estará situado na Praza do Concello, en horario de 11:00 a 14:00 horas.Read More

⚠️ Mesmo que non esteamos acostumados á neve, este temporal pode afectar estradas e servizos.

👉 Evita desprazamentos innecesarios.

👉 Queda prohibida calquera actividade no exterior https://www.axega112.gal/gl/content/leva-cadeas-no-teu-vehiculo

👉 Coida das persoas maiores ou dependentes.

👉 Mantente informado polas canles oficiais: AEMET, MeteoGalicia e Concello.

👉 O Concello está preparado e coordinado para actuar se fai falta.

Prudencia e prevención.

Ante calquera emerxencia chame ao 112

_______________________

A Axencia Estatal de Meteoroloxía (AEMET) informa no boletín 45/71GAL emitido o día 22/01/2026 ás 11:42 horas, dun fenómeno meteorolóxico adverso por NEVADAS NIVEL AMARELO que afectará a partir da tarde do día de hoxe ás zonas de LUGO (Montaña), con acumulacións de neve de ata 10 cm en cotas por riba de 400 m, e a OURENSE (Montaña) con acumulacións de ata 10 cm por riba dos 800 m. Este fenómeno, acompañado de ventisca, se extenderá a partir das 00:00 do día 23 as zonas de A CORUÑA (interior) con acumulacións de 2 cm por enriba dos 400 metros, e a LUGO (Centro) e OURENSE (Miño, e Valdeorras) con acumulacións de ata 4 cm por enriba dos 400 metros.

Asemade, se espera para o mediodía do día de hoxe VENTOS de NIVEL AMARELO na provincia de A CORUÑA e provincia de LUGO, OURENSE (Montaña) e provincia de PONTEVEDRA. Para mañá, o VENTO de NIVEL AMARELO se manterá nas zonas de A CORUÑA (Oeste, Noroeste e Suroeste) LUGO (A Mariña) e PONTEVEDRA (Rías Baixas). A partir das 00:00 do día 23, o fenómeno de NEVADAS acadará NIVEL LARANXA nas zonas de LUGO (Sur); OURENSE (Noroeste, Sur); PONTEVEDRA (Interior), con acumulacións de ata 5 cm en cotas por enriba dos 400 metros e ventiscas e OURENSE (Montaña) con acumulacións de ata 20 cm en cotas por enriba dos 400 m.

Doutra banda, a predicción de METEOGALICIA sinala que o fenómeno de nevadas tamén acadará nivel LARANXA para o día de mañá en LUGO (Centro e Montaña) e en OURENSE (Miño e Valdeorras).

Polo que a Dirección Xeral de Emerxencias e Interior comunícalles que, en previsión destes feitos: ADOPTEN as medidas preventivas necesarias ante as citadas predicións meteorolóxicas e, no seu caso, ALERTEN ou MOBILICEN aos medios e recursos a dispor.

_______________________

• DIRIXIDO A: VECIÑOS/AS DO CONCELLO DE TOÉN.
• DURACIÓN: 10 CLASES
• INICIO: 30 DE XANEIRO DE 2026
• LUGAR: ANTIGA ESCOLA DE PUGA
• HORARIO: VENRES DE 22:10H A 23.10H.
• INSCRICIÓN : DENDE O 21 DE XANEIRO O 28 DE XANEIRO AMBOS INCLUÍDOS

OS INTERESADOS DEBERÁN CUBRIR UN FORMULARIO DE INSCRICIÓN E LIQUIDACIÓN DISPOÑIBLES NAS OFICINAS DO CONCELLO E NA SEDE ELECTRÓNICA DA WEB DO CONCELLO (htps://concellodetoen.sedelectronica.es).

CRITERIOS DE PRIORIDADE PARA OBTENCIÓN DE PRAZA NA ACTIVIDADE:

1. Terán preferencia os empadroados/as no Concello.
2. Terase en conta a orde de presentación das solicitudes por rexistro.

PREZO:

  EMPADROADOS/AS NO CONCELLO………………………………30,00€

  NON EMPADROADOS/AS NO CONCELLO……………………….60,00€

O pagamento da taxa realizarase mediante transferencia ou ingreso nas contas facilitadas no modelo de liquidación.