Hoxe o Delegado Provincial da Xunta de Galicia Gabriel Alen Castro e á Xefa Territorial da Consellería de Educación, Cultura e Universidade Judith Fernandez fixeron unha visita ás obras na cuberta da Igrexa Parroquial de San Pedro de Moreiras.

Unha actuación que vai solucionar o problema de humidades e o deterioro do templo por este motivo, e que engadida á obra executada no 2020 suman máis de 215.000€ para protexer e manter unha das xoias do patrimonio de Toén.

A Consellería de Politica Social e o Concello de Toén ofrecemos un servicio asistencial ás persoas maiores de 55 anos sin que teñan que desplazarse fora do concello.

● Podoloxía
● Estimulación da memoria
● Audioloxía

▪︎ 25, 26 e 27 de abril haberá unha unidade móvil con persoal especializado á súa disposición.

▪︎ horario: de 09.00h a 20.00h

▪︎ lugar: en Toén, no sobreancho da estrada, debaixo do campo da festa.

▪︎ cita previa: chamando ao 622 748 283 ou enviando correo electrónico a coidadosportaaporta.politicasocial@xunta.gal

O conselleiro do Medio Rural participou na xornada de portas abertas nestas instalacións

A XUNTA ENXALZA OS AVANCES NO CENTRO INTEGRAL PARA A LOITA CONTRA O LUME DO MUNICIPIO OURENSÁN DE TOÉN

― José González salientou que xa están practicamente operativos o circuíto de adestramento de bombeiros forestais e a pista para as prácticas de condución de vehículos 4×4 e motobombas

― Seguirase coas actuacións tanto nas edificacións do recinto e na súa contorna como na mellora do equipamento e na dotación dos servizos de prevención de incendios

― Destacou que neste centro tamén se instalará unha aula medioambiental para formar estudantes de toda Galicia e para concienciar á sociedade sobre o traballo dos profesionais antiincendios como defensores do monte

Santiago de Compostela, 9 de abril de 2022.- O conselleiro do Medio Rural, José González, participou hoxe na xornada de portas abertas aos veciños das parroquias de Moreiras e Trelle celebrada no Centro integral para a loita contra o lume que a Xunta está desenvolvendo no municipio ourensán de Toén, nas instalación do antigo hospital psiquiátrico desta localidade.

O conselleiro, que estivo acompañado polo director xeral de Defensa do Monte, Manuel Rodríguez, e polo delegado territorial de Xunta en Ourense, Gabriel Alén, puido constatar os avances rexistrados na posta en marcha desta infraestrutura. Así, José González salientou que xa están practicamente operativos o circuíto de adestramento de bombeiros forestais e a pista para as prácticas de condución de vehículos 4×4 e motobombas. En ambos casos executáronse xa as rozas necesarias, así como o movemento de terras e unicamente está pendente a instalación dos os obstáculos e o acondicionado final.

Ao tempo, o conselleiro sinalou que nas edificacións destinadas a formación, que constituirán un auténtico Campus forestal, xa se ten realizada a análise estrutural de aproximadamente o 70% destas instalacións, estando tamén moi avanzados os traballos para proceder ao peche do perímetro do centro.

Traballo do persoal

Nesta visita, José González amosou a súa satisfacción pola boa marcha dos traballos que -indicou- por un lado serven para poñer en valor o traballo do persoal que loita contra o lume en Galicia e por outra parte permiten recuperar unhas instalacións en desuso para o beneficio xeral da sociedade galega.

Neste mesmo sentido, o conselleiro valorou o investimento previsto para este ano, que rolda os catro millóns de euros, e que van permitir a actuación tanto nas edificacións do recinto e na súa contorna como a mellora do equipamento e a dotación dos servizos de prevención de incendios.

Ademais, González destacou que neste centro tamén se instalará unha aula medioambiental para formar estudantes de toda Galicia e para concienciar á sociedade sobre o traballo dos profesionais antiincendios como defensores do monte e, por extensión, da seguridade das persoas e dos seus bens. Salientou, así mesmo, a ordenación, que se vai levar a cabo, de toda a contorna do centro, para convertela nun modelo de multifuncionalidade e biodiversidade forestal. A maiores, contémplase a construción e adecuación dunha rede mellorada e eficiente de puntos de encontro, tanto nas instalacións do persoal, almacéns do material de prevención e extinción coma no que ten que ver coa construción de garaxes para os vehículos.

Compromiso co Servizo

O conselleiro reiterou neste acto o “firme compromiso” da Xunta co Servizo de prevención de incendios forestais de Galicia, unha aposta -trasladou- por un servizo público, profesional e versátil, que se plasma en diferentes medidas. Entre elas citou a ampliación do tempo de traballo do persoal fixo descontinuo, pasando progresivamente dende os tres ata os seis meses ou as melloras permanentes na dotación de equipamentos e medios do Servizo. Nesta liña puxo como exemplo a recente entrega de roupa e botas a preto de 560 profesionais, cun investimento de 1,2 millóns de euros, xunto á renovación do 60% do parque de motobombas e a próxima entrega de 15 novos todoterreos a axentes ambientais.

Outra actuación posta en valor por José González foi a relativa ao Plan de formación do persoal, centrada especialmente na dedicada a mellorar a súa seguridade. Nesta liña, lembrou ademais que a Consellería conta coas achegas dos profesionais do Servizo no proceso de elaboración da futura Lei de loita integral contra os incendios forestais, na que se está traballando, unha norma que -sinalou- “será froito do consenso cos expertos”.

Saúdos do Gabinete de Comunicación da Consellería do Medio Rural.

https://we.tl/t-jmS1Uf8XDY?src=dnl nesta ligazón atoparás un video máis  completo.

Eladio Canal Fernandez (primeiro teniente alcalde) e os membros de Protección Civil de Toén Amadeo Pérez e Castor Estévez asistiron ao acto de entrega na Praza do Obradoiro, dun novo vehículo de emerxencias para a nosa Agrupación de Protección Civil.

Un coche tipo pick up que se adapta perfectamente ás necesidades dos operativos da nosa Agrupación.

Unha boa ocasión para agradecer a Protección Civil de Toén a súa permanente e desinteresada dispoñibilidade para actuar nas emerxencias que ocorren no noso Concello e noutros concellos próximos: lumes forestais, caidas de árbores, emerxencias en vivendas, operativos de eventos, reparto de alimentos, búsqueda de persoas, etc.

Grazas Marisa Barbosa, Amadeo Perez, Castor Estevez, Jose Estevez, Benigno Estevez, Yabel Fernández, Ana Santana

O Bono Cultural Xoven é una axuda que tenrá un importe de 400 euros e se podrá utilizar para asistir a espectáculos, compra de productos culturales físicos e tamén de consumo dixital ou en línea. Todos os xóvenes que soliciten este bono, terán 365 días desde a súa activación para consumir este saldo.

Os requisitos para poder solicitar o bono, son moi sinxelos e esto fai que o proxecto sexa moi atractivo para cumplir o seu obxetivo en España, que é reactivar o sector cultural, deixando atrás o impacto negativo causado pola COVID-19. A continuación, detallamolos:

● Cumplir a maioría de idade (18 años) no ano que se solicite a axuda. 

● Ter a nacionalidade española ou a residencia legal en España

A aprobación deste novo bono está prevista para as últimas semanas de ffebriero e a sua implementación para xunio do ano 2022.

Para máis información sobre esta axuda:

https://www.companias-de-luz.com/noticias/bono-cultural-joven-2022/

COOPERACIÓN

O apoio da Deputación permite avanzar ao Concello de Toén no proxecto do centro de interpretación do río Miño

”Este proxecto é de provincia, de Galicia. Homenaxeará a unha das nosas grandes realidades”, destaca o presidente provincial, Manuel Baltar

O alcalde Ricardo González valora o compromiso da Deputación de Ourense con Toén: “Grazas a súa colaboración podemos presentar este futuro centro de interpretación”. Situado na parroquia de Puga, aspira a ser un punto de referencia para veciños e visitantes: o espazo conta cun edificio de 450 metros cadrados e unha fermosa carballeira ao carón do Miño

Ourense, 13 de febreiro de 2022.- O impulso da Deputación de Ourense posibilita avanzar no proxecto do centro de interpretación Pai Miño. O apoio económico do goberno provincial permite ao Concello de Toén adquirir unha vivenda de 450 metros cadrados, que será a futura sé do proxecto situada a carón dunha carballeira de 9.000 metros cadrados, adquirida en 2021 polo propio goberno municipal.

“Este proxecto no so é de Toén, é de provincia, e atrévome a dicir de toda Galicia”, sinala o presidente da Deputación de Ourense, Manuel Baltar, que resalta o valor específico do Miño: “É un emblema da nosa nacionalidade histórica. E vai ter en Toén, ao carón do propio río, un centro de interpretación, un lugar visitable e pedagóxico. Este espazo homenaxeará a unha das nosas grandes realidades, a riqueza da nosa auga, e singularmente ao noso río estrela”.

O goberno provincial destinou 55.000 euros para a compra desta vivenda, situada na parroquia de Puga. “Estes son os proxectos que prepara Ricardo González -alcalde de Toén-, que eleva o Concello de Toén. E que a Deputación ten a obriga de colaborar e cooperar para que se fagan realidade”, remarca o presidente da Deputación.

O rexedor destaca o apoio do goberno provincial neste proxecto: “Grazas á colaboración e cooperación da Deputación de Ourense, de Manuel Baltar, podemos presentar este futuro centro de interpretación do Pai Miño. Unha iniciativa do Concello que quixemos poñer en valor e presentar a Deputación para render homenaxe ao río máis importante de Galicia, e que non tiña un centro que lle fixera xustiza”. Este espazo nacerá coa vontade de ser un centro de interpretación tanto dos cultivos vitivinícolas na cunca do Miño como das artes de pesca ou a súa biofauna. “Tamén queremos recuperar as barcas tradicionais que cruzaban o río, dende Puga ata Cenlle. Dentro dun proxecto máis amplo, aspiramos a súa posta en valor a nivel turístico e que poidan voltar a ser barcas de tránsito entre as beiras”, avanza Ricardo González.

Un centro de referencia con servizos para os veciños e turistas

O Concello de Toén perfila, co apoio da Deputación, un lugar versátil, con aulas de formación e para conferencias, e tamén cafetería ou restaurante. “Con varias salas de interpretación e a exposición das antigas barcas tradicionais. Con espazo para os produtos derivados do río e a súa conca, fundamentalmente o viño”, detalla o alcalde de Toén, que reivindica este futuro centro de interpretación coma “un punto de de información para calquera persoa que veña ao Ribeiro. E que dende aquí poida ver os museos da Ruta do viño e de toda a provincia. Esperamos que esté integrado na rede de museos de Ourense e que moitos visitantes poidan coñecer Toén e a súa contorna”.

En paralelo, a fermosa carballeira de 9.000 metros cadrados situada entre a vivenda e o río Miño, porase en valor coma espazo de ocio e para a organización de eventos, un lugar complementario ao centro de interpretación. “Estamos enormemente agradecidos co compromiso que ten a Deputación de Ourense con Toén, con proxectos coma este ou o recentemente inaugurado centro de interpretación do Entroido de Mugares”, resume Ricardo González, que quere que o do Pai Miño sexa un centro neurálxico do municipio: “Será un punto de encontro, de referencia, para atraer o turismo e que os veciños, e toda a provincia, poidan gozar aquí”.

A aposta de Toén por crecer mirando ao río Miño

Este futuro centro de interpretación, explican dende o Concello, é un paso máis dentro da estratexia municipal de impulsar Toén mirando cara o río Miño. O municipio tamén acaba de cambiar de ubicación no Xeodestino, integrándose no do Ribeiro -antes estaba no de Ourense-. “É un reforzo máis no noso compromiso co Ribeiro, cos nosos produtores e adegueiros. Queremos poñer en valor o noso viño, reivindicando que, dende Ourense, Toén é a porta do Ribeiro”, sinala o alcalde de Toén, Ricardo González.

Oxe celebrouse a Inauguración do Centro de Interpretación do Entroido de Mugares grazas á colaboración da Deputación Provincial de Ourense

Este espazo axudará a divulgación dun entroido centenario e revitalizado grazas ao traballo da Asociación de mulleres rurais Amencer de Mugares e dos veciños de Mugares.

👑 👑 👑

Oxe a ilusión invadíu Toén.

Viñeron os Reis Magos ao concello para que os nenos e nenas poidesen levarlle as súas cartas e falar con eles.

Aquí deixamos algunhas fotos da visita das maxestades ao concello.

O conxunto singular de canastros e o pombar merecíao.

Novo pavimento, nova instalación electrica e iluminación acorde ao lugar, muros de pedra, e mellor acceso á aira grazas á colaboración da Conselleria de Medio Ambiente.

Desexamos que lles guste o resultado e poidan desfrutar deste fermoso espazo.